АҚШ фуқароларининг 36 фоизи мамлакат президенти Дональд Трампнинг Оқ уй маъмурияти раҳбарлигида олиб бораётган сиёсатини маъқулламоқда.  The Washington Post/ABC News ҳамкорлигида ўтказилган ижтимоий сўров натижаси шундан далолат қилмоқда. 

 Бу Американинг сўнгги 70 йиллик тарихидаги президентларининг илк олти ойидаги энг қуйи кўрсаткичдир, дейилади ABC News.

Трампнинг апрель ойида 100 кунлик президентлиги муносабати билан ўтказилган сўровда қайд этган 42 фоизлик кўрсаткичи бу сафарги тадқиқотда янада пасайган. Унинг сиёсатини маъқулламаётганлар сони икки сўров натижасига биноан 5 фоизга ошиб, 58 фоизга етган. 

Янги ижтимоий тадқиқот, шунингдек, 48 фоиз америкаликлар президентнинг Оқ уйдаги фаолиятини қатъий равишда маъқулламаслигини кўрсатган. 

Ушбу сўров натижалари эълон қилинганидан сўнг, Трамп ўзини ҳимоя қилиш учун Twitter саҳифасида баёнот қолдирган.  

"The ABC/Washington Post сўровиl, ҳозирги вақтда салкам 40 фоиз ҳам ёмон эмас, аммо у сайловдан кейинги энг хато сўров, наздимда!", - деган Америка етакчиси.