2019 йилда Осиё қитъасидаги мамлакатлардан бирининг фуқароси Халқаро космик станцияси экипажи таркибида фазога кўтарилади. Бу ҳақда РИА Новостининг хабарига кўра, "Энергия" РКК бош директори Владимир Солнцев маълум қилди.

"Янги фазовий сайёҳ 2019 йилда ХКСга учади. У тайёргарликдан ўтмоқда. У Осиё мамлакатларидан бирининг фуқароси", — деб қайд этган Солнцев.

Бундан ташқари, унинг сўзларига кўра, "Энергия" ракета –космик корпорацияси фазовий сайёҳларни ХКСга доимий асосда юбориш амалиётини қайта тиклашни режалаштирмоқда. 

"Биз фазовий сайёҳларни танлайдиган компания билан шартнома имзолаганмиз. 2019 йилда бу амалиётни доимий асосда йўлга қўйиш учун сайёҳларга мўлжалланган биринчи фазо кемасини тайёрлаймиз", — деган "Энергия" РКК бош директори.

2001 йилдан бери фазога сайёҳлик парвозлари учун номзодларни Space Adventures компанияси танлаб келган. Биринчи фазовий сайёҳ сифатида америкалик тадбиркор Деннис Тито тарихда қолди. У 2001 йили Россиянинг "Союз ТМА-32" фазо кемасида ХКСга учган эди.