Саудия Арабистони ҳукумати калта юбкада юргани тасвирланган видеороликни эълон қилган қизга нисбатан суриштирув ўтказади, деб хабар бермоқда «Би-би-си».

Хулуд исмли қиз Саудия пойтахтидан 155 километр масофада жойлашган Ушайкир қадимги қишлоғида сайр қилиб юргани тасвирланган видео билан бўлишган. Хабар қилинишича, у «қироллик учун мос келмайдиган кийимда бўлган».

Таъкидланишича, ролик ижтимоий тармоқларда катта баҳс-мунозаралар келтириб чиқарди. Баъзи фойдаланувчилар қизни, у қиролликларда қиз болалар учун белгилаб қўйилган қоидаларни бузгани учун ҳибсга олишни талаб қилишди. Бошқалар эса қизнинг «жасурлиги»ни олқишлаб, унинг хатти-ҳаракатини ёқлашган.

Маълумот учун, Саудия Арабистонида аёллар жамоат жойларида узун кўйлак кийиб юришлари шарт.