Ўзбекистонда янги кўкрак нишони таъсис этилди

Ўзбекистон 18 Июль 2017 32021

Президентнинг 14 июлдаги қарори билан “Меҳнат фахрийси” кўкрак нишони таъсис этилди. Бу ҳақда давлат раҳбарининг расмий сайтида хабар берилди.
 
«Меҳнат фахрийси» кўкрак нишони билан мамлакатнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳаларида кўп йиллар давомида ҳалол ва самарали меҳнат қилган нафақа ёшидаги фуқаролар, шунингдек, ишламасдан, ҳаётини оилалар мустаҳкамлигини сақлаш, фарзандларни жамият олдида масъулият, миллий ва умуминсоний қадриятларга, катталарга ва ёш авлод вакилларига ҳурмат, она Ватанга муҳаббат, истиқлол ғояларига садоқат руҳида тарбиялаш ишларига бағишлаб, жамиятда ҳурмат қозонган оналар тақдирланади.
 
Кўкрак нишони 3 даражага эга бўлиб, қуйидагилар тақдирланади:

I даражали – камида 35 йиллик меҳнат стажига эга шахслар (бир йўла тўланадиган пул мукофоти – 4 ЭКИҲ);

II даражали – камида 30 йиллик меҳнат стажига эга шахслар (бир йўла тўланадиган пул мукофоти – 3 ЭКИҲ);

III даражали – камида 25 йиллик меҳнат стажига эга шахслар,  шунингдек, жамиятда ҳурмат қозонган ишламайдиган оналар.

I даражали кўкрак нишони юқори даражали ҳисобланади. II ёки III даражали кўкрак нишони билан тақдирланганлар кейинчалик унинг юқори даражалари билан босқичма-босқич мукофотланиши мумкин. Бир даражадаги кўкрак нишони такроран берилмайди.
 
Тақдирлаш «Нуроний» жамғармасининг Васийлик кенгаши қарори асосида амалга оширилади. У «Наврўз» байрами арафасида тантанали вазиятда топширилади.
 
Тақдирланганлар тиббий хизматдан имтиёзли фойдаланиш ҳуқуқига эга бўладилар. Нишон билан бир қаторда гувоҳнома ҳам берилади. Тақдирланганлар яшайдиган хонадонлар ва уй-жойлар эшикларига мис қотишмасидан тайёрланган белги ўрнатилади.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95642 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46521 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51702 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9337 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20136 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 306 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 142 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 652 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 838 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 534 Жаҳон
Кўпроқ янгиликлар