Японияда 10 июлдан бери давом этаётган иссиқ об-ҳаво шароити туфайли 6 киши ҳаётдан кўз юмди, 7,68 минг киши шифохоналарга келтирилган. Бу ҳақда Япония тез тиббий ёрдам хизмати маълум қилди. 

Бу бир ҳафта аввал қайд этилган кўрсаткичдан 1,8 марта кўпдир, деб хабар қилмоқда РИА Новости. Шифохоналарга олиб борилганлардан 170 нафари узоқ муддатга олиб қолинган. 2,5 мингдан ортиқ кишига бирмунча қисқа муддатларга ётқизилган. Жабрланганларнинг деярли ярми (49,5 фоизи) 65 ёшдан катта кишилардир. 

Ўтган ҳафтада мамлакат ҳудуди бўйлаб иссиқ ҳарорат ҳукм сурди. Ҳаво ҳарорати +35 даража атрофида бўлди. Бу ҳафта мобайнида ҳам жазирама сақланиши кутилмоқда. 

Японияда 600дан ортиқ киши жазирама туфайли шифохонага ётқизилди