Foto: Facebook/DRIVERS.UZ
Chirchiqda jiddiy YTH yuz berdi. Bu haqda Facebook ijtimoiy tarmog‘i foydalanuvchilari xabar qilmoqda.
Ma'lumotlarga ko‘ra, voqea 18 iyul kuni Chirchiqdagi Ohangaron yo‘lining Baliqchi yoqilg‘i quyish shoxobchasi yonida ro‘y bergan.
Taqdim etilgan videoyozuvdan ko‘rish mumkinki, hodisa oqibatida “Neksiya” avtomobili yuk mashinasining tagiga kirib ketgan.
Foydalanuvchilardan birining yozishicha, yuk mashinasi haydovchisi ikkinchi qatordan qayrilgan bo‘lib, unda orqa chiroqlari yo‘q hamda texnika xavfsizligiga amal qilinmagan.
“Neksiya” avtomobilining haydovchisi ahvoli haqida ma'lumotlar yo‘q.
