GM Uzbekistan АЖ 2017 йилнинг январь-июнь ойларида Россияда 4946 та Ravon автомобилларини сотди. Бу ҳақда Uzdaily.uz Европа бизнеси Ассоциациясининг автомобиль ишлаб чиқарувчилар қўмитасига асосан хабар берди.

Қўмита маълумотларига кўра, GM Uzbekistan компанияси Россияда 2017 йилнинг июнида 1239 та Ravon автомобилини сотган.

GM Uzbekistan’нинг Россия бозоридаги улуши 2017 йилнинг олти ойи якунлари бўйича 0,7 фоизни ташкил этди, дейилади қўмита хабарида.

GM Uzbekistan АЖ 2017 йилнинг январь-июнь ойлари якунига кўра, Россияда сотилувчи автомобиллар миқдори бўйича 21-ўринни эгаллади. GM Uzbekistan’нинг биронта модели ҳам кўрсатилган даврда Топ-25ликка кирмаган.