Андижон вилояти, Шаҳрихон туманида паспорт бўлинмасига келишга имконияти бўлмаган, ногирон фуқароларга биометрик паспортларни яшаш жойларида топшириш йўлга қўйилган.

Туман ИИБ паспорт бўлинмаси томонидан ташкил қилинган ишчи гуруҳ жойларга чиқиб, хонадоннинг ўзида биометрик талабномалар шакллантиради ва тайёр бўлган шахсни тасдиқловчи ҳужжатни ҳафтанинг ҳар пайшанбасида ўтказиладиган профилактика куни доирасида ИИБ масъул кишилари иштирокида тантанали тарзда топширмоқда. Бу ҳақда Кун.uz’га Шаҳрихон туман ИИБ хабар бермоқда.

Шу кунга қадар паспорт бўлинмаси томонидан амалга оширилган ишлар натижасида туман аҳолисининг жами 148 минг 624 нафари биометрик паспортга эга бўлишди. Ҳудудда яшовчи 200дан зиёд имконияти чекланган кишига эса Ўзбекистон фуқаросининг биометрик паспорти  ўз яшаш жойида топширилди.