Савдо-саноат палатаси ЕИда стажировка учун номзодлар қабул қилмоқда

Ўзбекистон 19 Июль 2017 4199

Ўзбекистон Республикаси Савдо-саноат палатаси “Бошқарув кадрларини тайёрлаш (МТР)” лойиҳаси доирасида Европа давлатларида бўлиб ўтадиган стажировка учун номзодлар қабул қилиш бошланганини эълон қилди.

Саралашдан муваффақиятли ўтган номзодлар Европанинг етакчи компанияларида ишбилармон стажировкадан ўтиш (энг узоқ муддати – 2 ҳафта) имконига эга бўладилар.

Асосий йўналишлар:

Стажировкалар дастурида иштирок этиш учун кичик ва хусусий бизнес корхоналари иқтисодиётнинг қуйидаги секторларида фаолият юритаётган бўлишлари керак:

•  Сабзавотлар ва меваларни қайта ишлаш ва қадоқлаш;
•  Узумчилик ва виночилик;
•  Иссиқхоналар;
•  Сув тежайдиган технологиялар, томчилаб суғориш тизимлари;
•  Ақлли фермалар, органик қишлоқ хўжалиги, органик озиқ-овқат занжирлари;
•  Тўқимачилик ва қўл меҳнати буюмлари;
•  Қишлоқ ҳудудида сақлаш ва логистика;
•  Йирик қорамол, қўйлар хўжаликлари, паррандачилик ва балиқчилик хўжаликлари;
•  Сут маҳсулотларини қайта ишлаш;
•  Қишлоқ хўжалиги чиқиндиларидан фойдаланиш ва утилизациялаш;
•  Қишлоқ туризми (масалан, агро- ва экотуризм).

Бунга қўшимча равишда, компания ва номзод қуйидаги талабларга мос келиши керак.

Кичик бизнеснинг ишлаб чиқарувчи корхоналари ва экспорт қилувчи корхоналари учун саралаш мезонлари:

•  лойиҳада кўрсатилган иқтисодиётнинг мақсадли секторларидан бирида фаолият юритиши;
•  100 фоиз хусусий мулк;
•  ходимлар сони 5 дан 250 кишигача;
•  қўшма корхона  бўлган тақдирда, ўзбек томонига тегишли бўлган камида 51 фоиз капитал;
•  солиқ органларида қарздорликларнинг йўқлиги.

Менежерлар учун саралаш мезонлари:

•  Камида ўрта таълим тўғрисидаги диплом ёки коллеж/лицей дипломининг мавжудлиги. Олий таълим устунлик саналади.
•  Камида 4 йиллик умумий иш стажи;
•  Камида 2 йиллик раҳбарлик лавозимидаги иш тажрибаси;
•  Ўртадан то юқори даражагача бўлган раҳбарлик лавозими (номзодга бўйсинадиган камида 3 киши);
•  Инглиз тилини яхши билиш (ёки номзод борадиган ЕИ давлатининг тилини билиш). Танланган менежернинг тил кўникмалари ёмон бўлган тақдирда, зарур таржима таржимоннинг хизматлари қиймати менежер томонидан қопланиши ҳисобига тақдим этилади. 
•  Яхши мулоқот ва тақдимот қилиш кўникмалари устунлик саналади;
•  Компьютер ва интернетда ишлаш билимлари ва кўникмалари устунлик саналади.

Саралаш икки босқичда ўтказилади:

1.  Саралаш комиссияси номзод компаниясининг эълон қилинган мезонларга мувофиқ келишини текширади;
2.  Агар компания мезонларга мувофиқ бўлса, саралаш комиссияси номзоднинг аризаси ва қўшимча ҳужжатларини баҳолайди.

Номзодлар онлайн анкетани лойиҳа сайтида (www.mtpeu.uz) рўйхатдан ўтгандан сўнг тўлдиришлари мумкин.

Аризалар 2017 йил 28 июль кунига қадар қабул қилинади.

Лойиҳа иштирокчиларининг Европа давлатларидаги барча ўқиш ва яшаш харажатлари «MTP» лойиҳаси томонидан қопланади (бир кунга 160 евро).

Бориш ва қайтиш авиа харажатлари қисман (400 евро) танланган номзод томонидан қопланади.

 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50177 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66175 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35463 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20298 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77119 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60819 Жамият
«ПСЖ» Ди Марияни «Барселона»га сотиш нархини маълум қилди
20:34 55 Спорт
103 ёшли комбожалик аёл АҚШ фуқаролигини қабул қилди
20:25 213 Жаҳон
Ҳабиб Нурмагомедов Мейвезер ва Макгрегор ўртасидаги жангга шарҳловчилик қилади
20:21 1620 Спорт
Чадда Қатар элчихонаси ёпилиши эълон қилинди
20:15 277 Жаҳон
Кўпроқ янгиликлар