Акулалар озиқни ютиш учун елкаларини қисишади. Буни Браун университети тадқиқотчилари рентген ёрдамида аниқлашди. Натижалар Royal Society Proceedings B журналида эълон қилинган.

Акуланинг тили оғиздаги шиллиқ парда қатлами каби кўринишга эга бўлиб, ўз мускулларига эга эмас. Шунинг учун ундан озиқни ошқозон тракти бўйлаб ўтказишда фойдаланиш мумкин эмас. Тадқиқотчининг рентген реконструкцияси ёрдамида аниқлашича, акулалар бунинг учун елкаларини ишлатишади. Улар елкани орқага суришганида, озиқ ошқозонга “ютилиб кетади”. Тадқиқотчилар буни аниқ қайд этиш учун, уч оқ доғли акулани балиқ бўлаклари билан боқишди.

Тадқиқотчиларнинг фикрича, акулаларнинг бу турида анча узун ҳалқум бўлгани учун, у ўзига хос “гидродинамик тил”нинг бир қисми ҳисобланади. Акула оғзини ёпганидан сўнг, унинг елкаси 11 даражага ўзгаради. Аввал у акулаларга фақат сузгични ҳаракатга келтириш учун керак бўлади, деб ҳисобланганди.