ЮНИСЕФ тиббий патронаж хизмати тизимини яхшилаш бўйича тавсияларни ишлаб чиқди 

Ўзбекистон 19 Июль 2017 2781
Фото: ЎзА

ЮНИСЕФ Президент Шавкат Мирзиёевнинг 2017 йил 6 июлдаги нутқидаги соғлиқни сақлаш хизматларини янада яхшилаш борасидаги фикр-мулоҳазаларини ҳамда Соғлиқни сақлаш вазирлигига тибий патронаж хизмати тизими тўғрисида Низом ишлаб чиқишни топширганини қутлайди, деб хабар берди Кун.uz’га ЮНИСЕФнинг Ўзбекистондаги ваколатхонаси.

ЮНИСЕФ 2016 йилда мавжуд тиббий патронаж хизмати тизимининг асосий кучли ва заиф томонларини аниқлаб, уни янада яхшилаш бўйича қуйидаги тавсияларни ишлаб чиқди: 

•  Она ва болага йўналтирилган асосий хизматларни самарали равишда тақдим этиш учун ижтимоий жиҳатдан заиф бўлган болалар ва оилаларни ўз вақтида аниқлаш;
•  Далил ва энг яхши халқаро амалиётларга асосланиб, хизматларни стандартлаштириш; 
•  Меҳнат ресурсларини соғлиқни сақлаш хизматларидан бошқа тадбирларга жалб этмаслик.

“ЮНИСЕФ Соғлиқни сақлаш вазирлиги билан қўшма дастурини амалга оширишга, хусусан, тиббий патронаж хизмат тизимини янада кучайтириш йўлидаги ҳамкорликни давом эттиришга шай эканлигини яна бир бор таъкидлайди. Ишончимиз комилки, бу тизимда амал қилаётган умумий ёндaшувнинг ўрнига универсал-мақсадли ёндaшувни қўллаш лозим. Ушбу соҳадаги самарали хизматлар Ўзбекистондаги аёллар ва болалар фаровонлигини оширишга ўз ҳиссасини қўшади”, - дейди ЮНИСЕФнинг Ўзбекистондаги ваколатхонаси раҳбари Саша Грауманн. 

Патронаж хизматини кўрсатишдаги янги ёндaшув ижтимоий жиҳатдан энг заиф бўлган болалар ва аёлларга янада яхши хизмат кўрсатишни йўлга қўйишда кўмаклашиш билан чегараланиб қолмасдан, айни вақтда, бутун соғлиқни сақлаш тизимининг самарадорлигини оширишга ҳам хизмат қилади. 

ЮНИСЕФ патронаж хизмат тизимини такомиллаштириш ишида Ҳукуматга кўмаклашишга тайёр эканлигини маълум қилди ҳамда Низомни ишлаб чиқишда халқаро стандартлар ва энг илғор тажрибаларни қўллаш асосида  ўз кўмагини таклиф қилмоқда.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7756 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8611 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51040 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3077 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3667 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 932 Жамият
Ўзбекистон ТИВ раҳбари Ҳиндистоннинг таҳлилий марказлари вакиллари билан учрашди
Кўпроқ янгиликлар