Ўзбекистон президенти Тошкент шаҳрида «Адолат саройи» мажмуасини қуриш бўйича чора-тадбирлар тўғрисидаги фармойишни имзолади.

Мажмуада Судьялар олий кенгаши, Конституциявий ва Олий судлар, Судьялар олий кенгаши ҳузуридаги одил судлов муаммоларини ўрганиш Тадқиқот маркази, Олий суд ҳузуридаги судлар фаолиятини таъминлаш бўйича Департаменти ҳамда Ўзбекистон судлар Ассоциацияси жойлашади.

«Адолат саройи» мажмуасида Ўзбекистонда ташкил этилаётган адлия Академияси ҳам жойлашади.

Ҳужжатга кўра, бу ерда очиқ суд йиғилишларини кузатиш бўйича махсус зал ҳам ташкил этилади. Ўзбекистон фуқаролари ушбу залга ташриф буюриши ва мамлакат бўйлаб очиқ жараёнларни реал вақт режимида кузатишлари мумкин бўлади.

Мажмуа ҳудудида Амир Темурга ҳайкал ўрнатилади. Ўзбекистон бадиий академияси Олий суд билан ҳамкорликда бир ойлик муддатда ҳайкални яратиш учун танлов эълон қилади.

Бундан ташқари, мажмуада Адолат академияси эшитувчиларининг истиқомат қилиши учун меҳмонхоналар, кутиш жойлари, автотураргоҳлар ва қамоққа олинган шахсларни хавфсиз сақлаш учун жойлар қурилади.