Москванинг «Спартак» клуби мухлиси Россия чемпионатининг 1-тури доирасида «Динамо» га қарши учрашув ўтказилган «Арена Химки» стадиони VIP-ложасида калтакланган.

«Меҳмон жамоанинг бир неча фанати қизил майкадаги мухлисни ўраб олиб, уни ура бошлади. Бу жойда стюардлар ва полициячилар йўқ эди, бошқа мухлислар эса воқеага аралашишни исташмади – бир кишининг бошига тинимсиз ураётганларида бошқа одамлар шунчаки томошабин бўлиб ўтиришарди. Зўравонлардан қутулгач жабрланувчининг ўзи полицияга бориб, шикоят қилган. Чақирилган тиббиёт ходимлари уни топа олишмади, 15 дақиқа ўтиб ложага ОМОН кириб келди», — дея ҳикоя қилган «Чемпионат» журналисти.

«Динамо»га қарши дерби вақтида ўйинни трибунадан кузатган «Спартак» жамоаси футболчиси Роман Зобнинга ҳам ҳужум уюштирилганди.