БМТ Бутунжаҳон озиқ-овқат дастурининг гуманитар ёрдамга сарф-харажатлари етти йил ичида 140 фоизга кўпайди. Бу жаҳоннинг турли давлатларидаги инқирозлар сабаб юз берган, дея маълум қилишди ташкилот вакиллари.

2015 йилда Бутунжаҳон озиқ-овқат дастурининг қиймати 5,3 млрд долларни ташкил этди, 2009 йилда эса бу кўрсаткич – 2,2 млрд долларга тенг эди. Шу билан бирга, жаҳоннинг бирданига икки минтақаси – шарқий ва марказий Африка, шунингдек, Яқин Шарқ ҳамда шимолий Африкада – жиддий озиқ-овқат инқирозлари юз берди, уларга ташкилот умумий маблағларининг 70 фоизига яқини сарфланмоқда.

Айни дамда тўртта давлатда очарчилик юз бериши мумкин, ҳамда Бутунжаҳон озиқ-овқат дастури бу давлатлардаги ишлар учун маблағлар етишмовчилигига дуч келмоқда. Нигерияда дастурлар 65 фоизгагина молиялаштирилган бўлса, Сомалида - 49, Жанубий Суданда – 33 ва Яманда – 37 фоиз. Бу давлатларда гуманитар ёрдам кўрсатишга қарийб 758 млн доллар етишмаяпти.

Бутунжаҳон озиқ-овқат дастурига жаҳоннинг 77 мамлакатидаги 85 млн кишига гуманитар ёрдам кўрсатиш учун 9,1 млрд доллар керак.