АҚШ президенти Дональд Трамп Франция президенти Эммануэль Макрон билан учрашуви ҳақидаги таассуротлари билан ўртоқлашди. Париждаги учрашув якунида Трамп ва Макрон бир неча сония давомида қўл сиқишиб, кейин хайрлашгандилар.

«У жуда ажойиб. Макрон ақлли ва кучли. У менинг қўлимдан ушлашни яхши кўради»,- деган Трамп. Экспертлардан бири эса бу узоқ давом этган кўришишга шундай баҳо берди: «Бу етакчилик учун кураш эди. Улар бир-бирларини қўйиб юборишни хоҳлашмади». Трамп бир неча маротаба Макроннинг ажойиб раҳбар эканини таъкидлаганди.

Париждаги учрашув чоғида, Трамп Макроннинг 64 ёшли турмуш ўртоғи Брижитга унинг қомати яхши сақланганини айтиб, хушомад ҳам қилганди.