Хоразмда қизларни алдаб, пул топиш билан шуғулланган фирибгар йигит ушланди

Жамият 20 Июль 2017 12856

Урганчлик Улуғбек Раҳимовнинг (исм-фамилиялар ўзгартирилган) “шўх”ликлари ўзини суднинг қора курсиси томон етаклади. Аслида унинг қилмишларини фирибгарлик сифатида таърифласак, тўғри бўлади, деб ёзади “Ҳуқуқ” газетаси.

Улуғбек биринчи турмушидан ажрашгач, ўзи учун пул топишнинг янгича усулини кашф қилди. Қиш кунларининг бирида Насиба исмли қиз билан танишди. Гўзаллик салонида ишлайдиган Насибанинг топармон-тутармонлиги Улуғбекка ёқиб тушди. Қизни “даромад манбаи”га айлантирди. Аввалига унга дил изҳори қилди, қизни аврай олмагач, уйланишга ваъда берди. Ҳатто қонуний никоҳдан ҳам ўтди. Шундан сўнг “бир ўзи тўй қила олмаслиги”ни айтиб, тўй харажатларини қоплашда ёрдам сўради. Урганчдаги машҳур тўйхоналардан бирини банд қилганлигини ҳам билдирди. Қиздан аввалига 1000 АҚШ доллари ундиришга муваффақ бўлди. Кейин ичимликларга, ширинликларга, дея бўлиб-бўлиб яна беш миллион сўм олди. Улуғбек тўй кунини бежиз “1 апрелда қиламиз”, демаган шекилли. Санага саноқли кун қолганда, тўйни бошқа кунга кўчиришни таклиф қилди. Кейин эса жанжалга баҳона топиб, Насибадан узоқлашиш чораларини кўра бошлади. Охир-оқибат тўйнинг бекор қилинганлигини, унга уйланмаслигини очиқдан-очиқ эълон қилди.

Бу пайтда Улуғбек яна бир найрангни бошлаган, Малика исмли турмушидан ажрашган қиз билан танишиб, унга ҳам севги изҳори қилиб улгурган эди. Бироқ, унга уйланишни эмас, шерикликни таклиф қилди.

-  Ҳар биримиз ўттиз миллион сўмдан пул қўйиб, кафе очамиз. Онанг билан синглингни ҳам ишга оламиз, даромадни тенг бўламиз, - дея ваъда қилди.

Жувон унга ишонди. Уйига таклиф қилиб, оиласидагилар билан таништирди. Малика йигитга бўлиб-бўлиб, 28 млн. 550 минг сўм пул берди. Кейинчалик, қизнинг онасидан кафени таъмирлашга керак, дея омборхонасида турган 14 дона ёғоч-тахта, суюлтирилган газ балони ва 100 АҚШ доллари олишга ҳам муваффақ бўлди.

Кафе ишга тушди. Навбат даромадга келганда, Улуғбек сўзидан тонди. Муаммолари кўплигини, даромад яхши эмаслигини ва бошқа баҳоналарни рўкач қилиб, фойдани бўлишишни орқага суриш баробарида, Маликадан узоқлашиш йўлини излай бошлади.

Ўзини уддабурон деб билган Улуғбек адашди. Гал қонун олдида жавоб беришга тўғри келганида, турли баҳоналарни ўйлаб топа бошлади. Бир кўрсатмаси бошқасини инкор қилди. Охир-оқибат қизларни алдаб топган пулларни эгаларига қайтариб беришига тўғри келди.

Шунингдек, унга нисбатан ЖКнинг тегишли моддалари билан жиноят иши қўзғатилди ва жазо муқаррарлиги таъминланди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 33889 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 13282 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 88155 Ўзбекистон
Бир кунлик тўй бир умрлик азоб келтирмасин!
22:30 105 Жамият
Европа Лигаси гуруҳ босқичи иштирокчилари учун мукофот пуллари эълон қилинди
22:25 207 Спорт
Янги купюра нарх-навога ўз таъсирини ўтказадими?
Дайжест: Навбатдаги видеоселектор, Қозоғистон билан ҳарбий ҳамкорлик, ЙПХ ходимларига Honda ва куннинг бошқа муҳим хабарлари
22:15 511 Жаҳон
Суарес жароҳат туфайли 4 ҳафтага сафдан чиқди
22:10 512 Спорт
Президент видеоселекторда ички ишлар органлари вакиллари билан соҳа ислоҳотларини муҳокама қилди
Россия вакили биринчи марта телевидение орқали сурияликларга мурожаат қилди
21:55 1742 Жаҳон
Кўпроқ янгиликлар