«Реал» ҳужумчиси Альваро Мората «Челси»га ўтди, Пьер Эмерик Обамеянг «Боруссия»да қоладиган бўлди. Эндиликда ушбу икки футболчи учун фаол кураш олиб борган «Милан» «Торино» ҳужумчиси Андреа Белоттига юзланади.

Шартномасида бадал пули миқдори 100 млн евро этиб белгилаб қўйилган 23 ёшли бу ҳужумчи учун миланликлар 40 млн евро ва ўз ҳимоячиси Габриэль Палетта ҳамда ҳужумчи  М’Байе Ньянгни таклиф этмоқда. 

Sky Sports хабарига кўра, «Милан» таклиф миқдорини 60 миллион еврога кўтарса, футболчини қўлга киритади.

Якунланган мавсумда Белотти Италия чемпионати тўпурарларидан бири бўлганди. У 35 учрашувда 26 гол урган.

Италия терма жамоасига номзод бўлган ушбу ҳужумчи 2015 йили «Палермо»дан «Торино»га 7,5 миллион евро эвазига келиб қўшилган, унинг туринликлар билан шартномаси муддати 2021 йилгача.

«Милан» ёзги трансферлар вақтида «Порту» ҳужумчиси Андре Силвани 38 миллион евро эвазига сотиб олганди.

«Милан»ни тўхтатиб бўлмаяпти. Жамоа бош директори яна ҳужумчилар истамоқда