Миробод туманида 5 нафар зўравон ушланди

Жамият 20 Июль 2017 5329

Ботир Очилов (исм-фамилиялар ўзгартирилган) 2016 йил 3 июль куни тахминан соат 14:30да “дўстлар”и Фурқат Иброҳимов, Даврон Тоҳиров, Д.Зарипов ҳамда Дилшод Камолов билан ўзаро келишиб, автомашина ўғирлашни мақсад қилади, деб ёзмоқда “Ҳуқуқ” газетаси.

Шундан кейин Миробод тумани А.Фитрат кўчасидаги уйларнинг бирида яшовчи Музаффар Алимовга ҳужум қилиб, унга оғир тан жароҳати етказишади. Сўнг уни ўзи бошқарган, аммо Авазбек Суннатуллаев номига расмийлаштирилган "Ласетти" русумли автомашинанинг орқа ўриндиғига ўтказиб, ўзи билан бирга олиб қочишади.

“Зўравон”лар машинани Яшнобод туманида жойлашган “Мирзо ота” қабристони олдига олиб боришади. У ерда Музаффарнинг фуқаролик паспорти нусхасига Ботир томонидан ўтказилган тазйиқлар остида Д.Зариповдан 2016 йил 3 июль куни 5 минг АҚШ доллари олганлигини, гаров сифатида эса “Ласетти” русумли автомашинасини бераётганлигини, пулни 2016 йил 5 июль куни қайтариб бериши тўғрисида мажбуран тилхат ёздириб олишади.

Кўрилган чора-тадбирлар натижасида, шу куни “Ласетти” русумли автомашина Яшнобод туманида жойлашган “Янгиобод” масжиди олдидан топилади.

Суд тиббий экспертизасининг 2016 йил 26 июлдаги хулосасига кўра, М.Алимов ўртача оғир тан жароҳати олган экан.

Жиноят ишлари бўйича Миробод туман судининг ҳукми билан Б.Очилов, Ф.Иброҳимов, Д.Тоҳиров, Д.Зарипов ҳамда Д.Камолов тегишли жавобгарликка тортилди.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53520 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69090 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36429 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20935 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79412 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61353 Жамият
Терракота армияси яратилиши сири очилди
22:33 89 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 422 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 403 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 206 Жамият
Кўпроқ янгиликлар