«ПСЖ» ҳамон «Барселона» ҳужумчиси Неймарни сотиб олиш фикридан қайтмаяпти, деб ёзмоқда Globo Esporte. Бунинг учун парижликлар каталонияликларга 222 миллион евро тўлаши керак бўлади.

Манба берган хабарга кўра, агар 25 ёшли бразилиялик футболчи парижликлар сафига ўтса, унинг ўзи шартнома имзолагани учун 50 миллион евро мукофот пули ишлаб олади ва барча солиқларни чиқариб ташлаганда йилига 35 миллион евролик маошга эга 5 йиллик битимга имзо чекади.

Эслатиб ўтамиз, олдинроқ Каталония клуби раҳбарияти Неймарни сотиб олиш учун ҳеч кимнинг пули етмаслигини айтиб, барча миш-мишларни рад этганди.