Россия ИИВнинг Санкт-Петербург шаҳри Адмиралтейский тумани бошқармаси вакилларининг сўзларига кўра, 16 июль куни Декабрчилар кўчасидаги тураржойлардан бирида қотиллик содир этилган. Маълум бўлишича, Ўзбекистоннинг 1987 йилда туғилган фуқароси адоватли муносабатлар ортидан турмуш ўртоғи билан тортишиб қолади. Шундан сўнг, у 27 ёшли рафиқасини уриб, дўппослайди, деб хабар қилмоқда politexpert.net

Оқибатда оғир тан жароҳатлари олган аёл яшаб турган хонадонида ҳаётдан кўз юмади. Қўни-қўшниларнинг хабарларидан кейин воқеа жойига етиб келган ҳуқуқ-тартибот ходимлари ғаразгўйни ушлаб, навбатчи қисмга олиб боришган. 

Айни вақтда қотиллик моддаси бўйича жиноий иш қўзғатилган. Жиноятчига нисбатан эҳтиёт чораси кўриш масаласи ҳал этилмоқда.