Украинанинг биринчи президенти Леонид Кравчукнинг маълум қилишича, Киев Қрим ва Донбасс устидан назоратни мухолифат билан келиша олмагани туфайли йўқотган. У бу ҳақда «Корреспондент.net» нашрига маълум қилди.

Кравчукнинг таъкидлашича, у иккинчи Майдон вақтида музокаралар столи модератори бўлган.

«Улардан бирида мен деярли барча манфаатдор шахсларни суҳбатга чақиришнинг уддасидан чиқдим. Бироқ очиқ мулоқот амалга ошмади, сабаби ҳаммаси ўзаро айбловлар билан якун топди. Қандайдир музокаралар линиясини аниқлаш бўйича ҳаракатлар муваффақиятсизлик билан тугади», - деди Кравчук.

Унинг фикрича, агарда келишишнинг уддасидан чиқилганда, Донбассдаги можаро ва Қримнинг Россияга қўшилишини четлаб ўтиш мумкин бўларди.