Гулистон тумани Ёшлар иттифоқи раиси сайланди

Ўзбекистон 21 Июль 2017 7645

Сирдарё вилояти Гулистон туман ҳокимлигида Ўзбекистон Ёшлар иттифоқи туман Кенгашининг кенгайтирилган йиғилиши бўлиб ўтди. Унда Шерқўзи Қурбонов Ўзбекистон Республикаси Ёшлар иттифоқи туман бўлимининг раиси этиб сайланди. Бу ҳақда вилоят ҳокимлиги матбуот хизмати хабар қилмоқда. 

Йиғилишда вилоят ҳокими Ғофуржон Мирзаев сўзга чиқди.

У Ўзбекистон Республикаси Президенти Шавкат Мирзиёев томонидан 2017 йил 30 июнь куни ёшлар билан ўтказилган учрашувдаги нутқидан келиб чиқадиган вазифалар ижросини таъминлаш, туманда ижтимоий-иқтисодий соҳаларда рўй бераётган ўзгаришлар, олиб борилаётган ишларга тўхталди. 

Вилоят ҳокими Ғофуржон Мирзаев туман марказидаги маданият ва истироҳат боғининг бугунги ҳолати талабга жавоб бермаслигини айтиб, уни “Ёшлар боғи”га айлантириш ҳақида таклиф билдирди. Вилоят ҳокимининг бу ташаббуси туман ёшлари томонидан катта қувонч билан кутиб олинди. 

“Ёшлар боғи” ёшларнинг чинакам дам оладиган, ҳордиқ чиқарадиган масканига айланади. Бу ерда ёшлар учун зарур бўлган ҳамма нарса муҳайё қилинади, айтайлик, кутубхона, қироатхона уларнинг ихтиёрида бўлади.

Худди шунингдек, туман марказида спорт мажмуаси бунёд этилади. Бу ерда кўплаб спорт тўгараклари фаолият юритади ва у ёшларни ўз бағрига қамраб олади. Вилоят ҳокими туманнинг бир гуруҳ ёш тадбиркорларига, ёш фермерларига, ижтимоий-иқтисодий соҳа пешқадамларига, спортчиларга вилоят ҳокимининг эсдалик совғаларини топширди.

Тадбирда Ўзбекистон Ёшлар иттифоқи Марказий Кенгаши раиси ўринбосари Суҳроб Мақсудов, туман ҳокими Абдумавлон Ибодуллаев, Ўзбекистон Ёшлар иттифоқи вилоят бўлими раиси Шавкат Зайниддиновлар ҳам қатнашди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33971 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72140 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10436 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136048 Жамият
Франция чемпионати. «Лион» сўнгги дақиқаларда ғалабани қўлдан чиқарди. Снейдернинг дебюти «Ницца»га омадли келди
01:44 0 Спорт
Жарқўрғонда йирик корхоналар ишга тушиши режалаштирилмоқда
Бундеслига. «Лейпциг» «Шальке»дан мағлуб бўлди
00:26 264 Спорт
KUN.UZ Тошкент вилоятига ташриф буюради. Савол ва таклифлар қабул қилинмоқда
Барча замонларнинг энг яхши қора танли спортчилари рўйхати тузилди
23:56 / 19.08.2017 2483 Спорт
АПЛ. «Арсенал» мағлубиятга учради
23:50 / 19.08.2017 1035 Спорт
Кўпроқ янгиликлар