Пойтахт ИИББ интернетда пайдо бўлаётган ва йўл ҳаракатига тегишли қоидабузарликлар тасвирланган видеороликлардаги ҳолатлар ўз исботини топса, тегишли жазо тайинлайди. Бу ҳақда Тошкент ИИББ тергов бўлими бошлиғи Дониёр Тошхўжаев Кун.uz мухбирининг саволига жавоб қайтариб, маълум қилди.

Унинг сўзларига кўра, ИИББ ходимлари турли ижтимоий тармоқларда жойлаштирилган ва қоидабузарлик ҳолати акс этган видеороликлар бўйича жазо белгилаши мумкин. Бунда ушбу ҳолатда қоидабузарлик содир этилгани ўз исботини топиши керак бўлади. 

Бундан ташқари, маълум қилинишича, ИИББ электрон манзилга номини ошкор этмаган шахслардан келиб тушаётган роликларни ҳам ўрганиб чиқмоқда.