«Барселона» ҳужумчиси Неймар келгуси фаолиятини «ПСЖ»да давом эттирмоқчи. Бу ҳақда  Le Parisien нашри хабар тарқатди.

Манба берган хабарга кўра, Каталония клубидаги бир қатор шерикларига «ПСЖ»га ўтаётгани ҳақида айтишга ҳам улгурган. «Барса» футболчилари аллақачон унинг кетишига кўника бошлаган.

Шунингдек, Неймар Instagram ижтимоий тармоғига ўйчан кўринишдаги суратини жойлаган ва унга ўйчанликни билдирувчи смайлкни шарҳ сифатида қолдирган. Бу пост дарҳол «ПСЖ»нинг бир қатор футболчилари томонидан «лайк»ланган.

Эслатиб ўтамиз, олдинроқ Radio Catalunya Неймарнинг «ПСЖ»га ўтиши 95 фоизга ҳал бўлгани, унга шартномасида кўрсатилган 222 миллион евро миқдорида товон пули тўланишини маълум қилганди.