Исроил ҳукумати Ал-Қудсда кескинликни ошириш тактикасини қўлламоқда, деб ёзмоқда “Анадолу”.

Хабарда айтилишича, халқаро ҳамжамиятнинг чақириқлари ва талабларига қарамай, Исроил Ал-Ақса масжидига кираверишда металл буюмларни қидириш қурилмаларни сақлаб қолиниши ҳақида маълум қилган.

Шаҳардаги мусулмонлар металл детекторлардан ўтишдан бош тортмоқда. Фаластинликлар эса якшанба кунидан бери Ал-Ақсага кираверишда намоз ўқимоқда.

Бугунги кундан эса Ал-Ақса масжидига 50 ёшдан кичик мусулмонларнинг киришига қўйилган тақиқ кучга кирди.

Исроил полицияси Ал-Қудснинг Ал-Ақса масжиди жойлашган Эски шаҳар туманига кириш йўлларини ёпиб қўйгани айтилмоқда. 

Аввалроқ Туркия ва Исроил президентлари Ал-Қудсдаги кескин вазиятни муҳокама қилишгани хабар берилганди.