Isroil hukumati Al-Qudsda keskinlikni oshirish taktikasini qo‘llamoqda, deb yozmoqda “Anadolu”.
Xabarda aytilishicha, xalqaro hamjamiyatning chaqiriqlari va talablariga qaramay, Isroil Al-Aqsa masjidiga kiraverishda metall buyumlarni qidirish qurilmalarni saqlab qolinishi haqida ma'lum qilgan.
Shahardagi musulmonlar metall detektorlardan o‘tishdan bosh tortmoqda. Falastinliklar esa yakshanba kunidan beri Al-Aqsaga kiraverishda namoz o‘qimoqda.
Bugungi kundan esa Al-Aqsa masjidiga 50 yoshdan kichik musulmonlarning kirishiga qo‘yilgan taqiq kuchga kirdi.
Isroil politsiyasi Al-Qudsning Al-Aqsa masjidi joylashgan Eski shahar tumaniga kirish yo‘llarini yopib qo‘ygani aytilmoqda.
Avvalroq Turkiya va Isroil prezidentlari Al-Qudsdagi keskin vaziyatni muhokama qilishgani xabar berilgandi.