Европа сейсмология маркази мутахассисларининг маълум қилишича, Туркиядаги кучли зилзила сабаб унча катта бўлмаган цунами пайдо бўлган. Бу ҳақда Reuters хабар қилмоқда.

«Кичик цунамининг пайдо бўлгани тасдиқланди. Соҳилбўйидан узоқроқ масофада бўлинг», - дейилади марказ хабарида.

Шу билан бирга, Туркия ҳукуматининг маълум қилишича, цунамининг пайдо бўлиш эҳтимоли жуда кам. Таъкидланишича, зилзиладан сўнг катта тўлқинлар кутилмоқда.

Аввалроқ Туркиянинг Бодрумида ва Грециянинг Кос оролида кучли зилзила юз бергани хабар қилинганди.