АҚШ томонидан берилган хато авиазарба натижасида Афғонистон миллий полициясининг 12 ходими ҳалок бўлди, яна икки киши жароҳатланди. Зарба Пентагон билан мувофиқлаштирилганди, деб маълум қилди Ҳилмонд вилояти полицияси бошлиғи Абдул Ғафор Сафий.

Associated Press’нинг хабар қилишича, авиазарба АҚШнинг “Толибон” ҳаракати жангариларига қарши амалиёти давомида берилган.

Сафийнинг сўзларига кўра, ҳалок бўлганлар шу туманда ҳарбийлар билан бирга ишлаган полициячилар эди.

Таъкидланишича, Ҳилмондда НАТО ва АҚШ қўшинлари афғон ҳарбийларига ёрдам кўрсатиш мақсадида қолмоқда.