АҚШ ўз фуқароларига КХДРга боришни тақиқлади

Жаҳон 22 Июль 2017 3716
Фото: AP

АҚШ маъмурияти америкалик фуқароларнинг КХДРга боришига тақиқ қўйиш ҳақида қарор қабул қилди. Бу ҳақда Қўшма Штатлар Давлат департаменти матбуот хизмати раҳбари Ҳезер Науэрт жума куни маълум қилди. Унинг сўзларига кўра, бундай қадамга “Шимолий Корея ҳуқуқни муҳофаза қилиш тизими доирасида АҚШ фуқаролари ҳибсга олиниши ва узоқ муддат қамоқда сақланиши бўйича жиддий таҳдид борлиги” сабаб бўлган.

АҚШ давлат котиби Рекс Тиллерсон “барча америкалик фуқаролар учун Шимолий Кореяга бориш ёки у орқали бошқа давлатларга ўтиш учун паспортлардан фойдаланишга махсус географик чеклов” киритиш ташаббуси билан чиқди, дея таъкидлаб ўтган Науэрт.

Унинг аниқлик киритишича, бу ҳаракатлар амалда АҚШ фуқаролари КХДРга бора олмаслигини англатади, сабаби бунда паспортнинг ишлатилиши Америка қонунчилигининг бузилиши бўлади. "Шимолий Кореяга бориш учун АҚШ фуқаролари махсус рухсатномага эга паспортни олиши талаб этилади", - дея таъкидлаб ўтди ташқи сиёсат идораси расмий вакили.

Америка дипломатиясининг ушбу қарори АҚШ ҳукуматининг махсус ҳужжатлар реестрида жойлаштирилганидан бир ой ўтиб кучга киради. "Биз билдиришномани Федерал реестрда келаси ҳафта эълон қилиш ниятидамиз. Чеклов у эълон қилинганидан 30 кун ўтиб кучга киради", - дея аниқлик киритди Науэрт.

Бироқ, КХДРга “маълум бир гуманитар ёки бошқа мақсадларда боришга ҳаракат қилувчи америкалик фуқаролар” Давлат департаментига махсус белгига эга паспортни олиш учун мурожаат йўллашлари мумкин. 

Аввалроқ АҚШ ўз фуқароларига Шимолий Кореяга боришни тақиқлаб қўймоқчи экани хабар қилинганди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8285 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8992 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9785 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34949 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51612 Жамият
ОАВ: АҚШ Хитой фирмаларининг активларини музлатиб қўймоқда
12:24 10 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 236 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 182 Жаҳон
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Кўпроқ янгиликлар