Американинг eBay онлайн кимошди савдо майдонида ноёб автомобиль сотувга қўйилди. Бир вақтлар Федерал қидирув бюросига қарашли бўлган Dodge Ram машинасидан ташқи кузатувни амалга оширишда фойдаланилган. Эътиборли томони шундаки, автомобилда барча «жосуслик» қурилмалари, айғоқчиларнинг бир нечта ёзув дафтарчалари ва ҳатто кузатувлар қайд этилган тасмалар ҳам сқланиб қолинган. 

Сотувчининг таъкидлашича, ФҚБ фургонни дилерлик салонидан янги ҳолида сотиб олган. Кейин у кузатувчилар эҳтиёжларига мувофиқ жиҳозланган. 

Автомобилга 3та қўшимча аккумулятор, кондиционер ва фургоннинг орқа қисмини иситувчи иситгич ўрнатилган. Иккита LCD экран, иккита DVD ускуна, интерком, видео ва кучайтирилган овоз ёзиш ускуналари, радарлар, пропан балонлари, қўшимча қулфлар ва ҳатто ҳожатхона ҳам бор. 

1989 йили ишлаб чиқилган фургонга 5,9 литрли мотор ўрнатилган. Машина атиги 23,5 минг миль (37,8 минг км) юрган. Сотувчининг таъкидлашича, фургон давлат кимошди савдосида харид қилинган ва ажойиб техник ҳолатда. 

Бундан ташқари, машинанинг ҳақиқатдан ҳам ФҚБга тегишли бўлганини тасдиқловчи ҳужжат ҳам бор. Мақола ёзилаётган вақтда унинг учун 11 минг 501 АҚШ доллари таклиф қилишмоқда. Савдо 2 кун 13 соатдан кейин якунига етади.