Ҳавайи ороллари аҳолиси КХДР томонидан уюштириладиган эҳтимолий ядро ҳужумига тайёргарлик кўришни бошлади, деб хабар бермоқда Associated Press агентлиги.

Штатдаги қонун чиқарувчилар совуқ уруш давридаги режаларни янгилашни талаб қилишган. Бу ушбу оролга қадар етиб келиши мумкин бўлган ядро қуроли ва баллистик ракеталарни ишлаб чиқаётган Шимолий Корея томонидан ортиб бораётган таҳдидга қарши туришда ёрдам бериши керак, дейилади хабарда.

Ҳавайининг фавқулодда ҳолатлар бўйича агентлиги таълим дастурини ишга туширди, унинг доирасида, ноябрдан бошлаб, ҳар ойнинг биринчи иш кунида ядро ҳужумидан огоҳлантириш тизими синовдан ўтказилади. Ҳавайиликлар илк бора бундай сиренани 80-йиллар охирларида эшитишган, дея таъкидлайди агентлик.

Кишилар варақалар ва теледастурлар орқали тревога пайтида нима қилиш кераклиги борасида хабар этилади. Пана жойни топишга 15-20 дақиқа вақт сарфланиши керак, ҳамда барча хатти-ҳаракатлар автоматлаштирилган даражага олиб чиқилиши даркор, дея маълум қилишган фавқулодда хизматлар вакиллари.

Уларнинг қайд этишича, табиий офатлар билан кўп тўқнаш келувчи ҳавайиликлар авариявий мажмуага эга бўлишлари лозим, ундан икки ҳафталик озиқ-овқат захираси ва сув жой олиши керак.