Кеча БМТнинг Нью-Йоркдаги бош қароргоҳида “Кўп тиллар – бир дунё” талабалар ўртасидаги иншо танловида ғалаба қозонган 60 лауреатнинг номи маълум қилинди.

Танловнинг биринчи босқичида жаҳоннинг 170 давлатидан олти мингдан ортиқ талабалар иштирок этди. Улар ўз иншоларини БМТ расмий тиллари: инглиз, араб, испан, хитой, рус ва француз тилларида тақдим этишган.

Натижада 60 ғолиб – ҳар бир тил бўйича 10 номинант аниқланди.

Рус тилидаги лауреатлар орасида ўзбекистонлик Наргиза Мухторова, Соҳиб Саидов ва Нигина Файзулло қизи бор.

Танловнинг барча ғолиблари Халқаро ёшлар форумига бориш ҳуқуқини қўлга киритди ва кеча Нью-Йоркдаги БМТ Бош ассамблеяси залида чиқиш қилишди.