Дунёдаги энг кекса денгиз мушуги АҚШдаги океанариумда ҳаётдан кўз юмди. У 69 ёшни қаршилаганидан кейинги кун вафот этган, деб хабар қилган Жанубий Флорида музейи. 

"Бизнинг дастлабки текширувларга кўра, Снути кишини ғамгин қилувчи ҳодиса қурбони бўлган. Снути жуда ноёб ҳайвон эди", — дейилади хабарда. 

Денгиз мушуги океанариумнинг фақат техник тизимларига кириш учун очиладиган сувости иншоотидан топилган. Иншоот эшиги одатда ёпиқ бўлган, аммо номаълум сабаб билан у шу куни очиқ сақланган. 

Музей раҳбариятининг қўшимча қилишича, ҳайвоннинг ўлими билан боғлиқ тергов ишлари олиб борилмоқда. 

Снути лақабли денгиз мушуги 1946 йил 21 июлда Майами океанариумида туғилган. У инсон қарамоғида дунёга келган биринчи денгиз мушуги эди.