Халқаро валюта жамғармаси Россия иқтисодиётининг 2017 йилда аста-секинлик билан тикланиши борасида апрель ойида билдирган прогнозини тасдиқлади. Бу ҳақда жамғарманинг июль ойи учун "Жаҳон иқтисодиёти ривожланиш истиқболлари" ахборотномасида сўз юритилган. Ташкилот Малайзиянинг Куала-Лумпур шаҳрида йиллик йиғилишини ўтказади. 

ХВЖ жаҳон иқтисодиёти ва жаҳон ишлаб чиқариш ҳажми ошаётганини таъкидлайди. Унга биноан 2017 йилда ишлаб чиқариш ҳажми 3,5 фоизга, 2018 йилда 3,6 фоизга ўсади. Ўтган йили бу рақам 3,2 фоизни ташкил этган эди. 

АҚШ иқтисодиёти ўсишига доир прогнозлар апрель ойидагидан бирмунча пасайтирилган. Шу билан бирга, Япония ва ЕИ мамлакатларида иқтисодиёт ўсиши кутилмоқда. "2016 йил охири ва 2017 йил бошида кузатилган кутилмаган фаоллик ишончли ўсиш суръатини таъминламоқда".

"2017 йил биринчи чорагидаги юқори кўрсаткичлар ва бюджет қўллаб-қувватланиши кутилаётгани сабабли Хитой иқтисодиёти ўсиши ҳам айтилмоқда. Ривожланган мамлакатларда пул қадрсизланиши ва нарх-наво барқарор бўлиб қолади; Бразилия, Ҳиндистон ва Россия каби бозор иқтисодиёти бирмунча шаклланган мамлакатларда ҳам инфляция сезиларли кучаймайди", - дейилади ҳужжатда. 

"Россия Федерациясининг иқтисодиёти, прогнозга кўра, 2017 йилда аста-секинлик билан тиклана бошлайди", - дейилади ҳужжатда. 

Таъкидланишича, "бозор иқтисодиёти шаклланаётган мамлакатларда инфляция асосан барқарор, Бразилия ва Россияда бу рақам сезиларли даражада пасайди".

Шундай қилиб, 2017 йилда ривожланган мамлакатлар иқтисодиёти 2 фоизга, 2018 йилда 1,9 фоизга ўсади. Бозор иқтисодиёти шаклланаётган ва ривожланаётган мамлакатларда бу рақам 2017 йилда 4,6 фоиз, 2018 йилда 4,8 фоизни ташкил этади.