Россия телеканали Ўзбекистон ҳақида ҳужжатли фильмни суратга ола бошлади

Маданият 24 Июль 2017 11629

Россиянинг "Культура" телеканали "Ўзбекистон: қўлга киритилган топилмалар" ҳужжатли фильмини суратга олиш ишларига киришди. Бир соатга мўлжалланган мазкур ҳужжатли фильм Россиянинг “Культура” телеканали, ЎзЭОВМА ва “Караван-ТВ” ҳамкорлигида суратга олинади. 

Фильмда замонавий Ўзбекистоннинг бир неча асрлик анъаналари ва донишмандларининг ақл-заковати билан ҳамоҳанг равишда ривожланиб бораётгани ҳақида сўз боради. Улар ҳар бир қадамда учрашиб, ҳамжиҳатлик ва тотувликда кун кечирмоқда. 

Шундай қилиб, Тошкент шаҳрида Ислом динининг ҳақиқий қадриятларини ўрганувчи Ислом маданият маркази, Самарқанд шаҳрида ва 1536 йилда қурилган, айни пайтда ҳам талабалар илм олаётган Мир-Араб мадрасасида ислом дунёсининг олим ва уламолари меросини ўрганувчи Халқаро ислом илмий-тадқиқот маркази ташкил этилади.

Суратда: “Культура” телеканалининг суратга олиш гуруҳи ва  ЎзЭОВМА Конрад Аденаур номли Марказий Осиё Фондининг ҳудудий вакили (ГФР) Томас Кунц иштирокида интервьюни суратга олмоқда. 

“Ўзбекистон ҳар доим турли динга ва маданиятга эътиқод қилувчи одамлар аҳил-иноқликда яшайдиган толерант ҳудуд бўлиб келган. Бунга суратга тушириш режалаштирилган Самарқанд шаҳрида жойлашган Дониёл пайғамбар мақбарасини, Тошкент шаҳридаги католик черкови ва православларнинг Успенский соборини  мисол келтиришимиз мумкин. Бироқ ҳужжатли фильмнинг асосий ғояси ва лейтмотиви мамлакатдаги энг бой маданий ва тарихий мерос ҳисобланган, Ўзбекистон олимлари томонидан ўрганиб келинган энг қадимий ёдгорликлар ёзуви ҳисобланади. Биз сизга ота-боболар ва муқаддас Ислом анъаналарига содиқ ҳолда замон билан ҳамнафас равишда ривожланиб бораётган Ўзбекистон ва унинг халқи ҳақида ҳикоя қиламиз”, деди фильм режиссёри Валерий Белов.

Фильм продюсери Фирдавс Абдухолиқов ЎзЭОВМА учун бу Россия телекомпаниялари билан  навбатдаги фильмни суратга олиш лойиҳаси бўлганлигини таъкидлади: “Биз илгари ҳам машҳур “Мастерская” кинокомпанияси билан ҳамкорликда “Ўзбекистон қумликлар дурдонаси”  ва Қорақалпоғистон ҳақидаги “Вақт қумликлари аро” номли ҳужжатли фильмларни суратга олганмиз. “Культура-Россия” телеканали билан қилган ҳамкорлигимиз Республикамизнинг мустақиллик байрами учун муносиб совға бўлади, деб умид қиламиз”. 

“Ўзбекистон: қўлга киритилган топилмалар” ҳужжатли фильмининг суратга олиш ишлари Тошкент, Самарқанд, Бухоро, Хива, Термиз ва бошқа шаҳарларда бўлиб ўтади. Шу билан бирга съёмка жараёнида табиат манзараларидан, кино ва фото ҳужжатлардан, музей артефактларидан, шахсий архив ва архив кадрлардан фойдаланилади. Фильмда машҳур архитекторларнинг, олимларнинг, тарихчи ва хаттотларнинг, Ўзбекистоннинг турли ҳудудларида истиқомат қилувчи аҳолининг интервьюлари янграйди.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 7570 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 39736 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 63017 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 39738 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 142280 Жамият
Кун.uz офис изламоқда
15:48 / 06.08.2017 39453 Lifestyle
Миллий ахборот майдонида монополиянинг куни битди
18 август куни Ўзбекистонда ҳаво булутли бўлиши кутилмоқда
Давлат органлари ва ССП мутахассислари тадбиркорларни ўқитади
Давлат дон инспекцияси олдига янги вазифалар қўйилди
Кўпроқ янгиликлар