Тошкент давлат аграр университети ректори Паркентда бўлди

Жамият 24 Июль 2017 4639

Маълумки, куни кеча давлат раҳбари Шавкат Мирзиёев жойларда ижтимоий - иқтисодий ислоҳотларнинг бориши билан яқиндан танишиш мақсадида Тошкент вилоятига ташриф буюрди. Президент ушбу вилоятга ташрифининг иккинчи куни, 22 июлда Паркент туманида бўлди. Шавкат Мирзиёев лалми майдонларни тўлиқ мева-сабзавотчиликка ўтказиш, харидоргир маҳсулотлар етиштиришни кўпайтириш лозимлигини таъкидлади. Шунингдек, Президент ушбу туманда янги барпо этилган интенсив боғни бориб кўрди ва қишлоқ хўжалиги соҳасидаги барча даражадаги рахбарларга ушбу туманда барпо этилган интенсив боғ билан яқиндан танишишни тавсия этди. 

Берилган тавсияларни амалиётга жорий этиш мақсадида Тошкент давлат аграр университети ректори, профессор Ботиржон Абдушукирович Сулаймонов раҳбарлигида Қишлоқ ва сув хўжалиги вазирлиги тасаруфидаги қишлоқ хўжалиги касб-ҳунар коллежлари раҳбарлари, Тошкент давлат аграр университети профессор-ўқитувчилари, Андижон қишлоқ хўжалик институти ректори Абдувасиков Абдуазиз Абдулазизович ва бошқа қизиқувчилар Тошкент вилоятининг Паркент туманидаги кўп йиллардан буён аҳоли яшаш жойларини кўкаламзорлаштиришда, манзарали боғларни барпо қилишда фойдаланадиган юқори манзарали ва фитонцидли дарахт ва бута турларининг кўчатларини етиштириш билан шуғулланиб келаётган корхона фаолияти билан танишди ҳамда мазкур муассаса раҳбари Мухамеджанов Аминжон Хожи ота билан суҳбатда бўлди.

Қатнашчилар хусусий корхона фаолиятида етиштирилаётган Виргин арчаси, Қрим қарағайи, Шарқ биотаси, Тяньшан қорақарағайи, Тиканли қорақарағай, Оқ қайин, Майдабаргли жўка, Сохта каштан, Гўзал катальпа, Маклюра, Қайрағоч, Ҳинд настарини, шамшод каби наёб манзарали дарахт ва бута турларининг турли ёшдаги ва турли кўринишда шакл бериб парваришланаётган ўсимликлари билан танишди.

Мазкур корхонанинг манзарали дарахт ва буталар кўчатларини турли ёшида ва турлича кўринишда қирқиб, шакл бериб ўстириш технологиялари тажрибаларини олий таълимнинг “Ўрмончилик ва ўрмон мелиорацияси”, “Манзарали боғдорчилик ва кўкаламзорлаштириш” бакалавриат таълим йўналишлари ва ўрта махсус касб-ҳунар таълимининг “Ўрмон хўжалиги техниги” касб йўналиши ўқув жараёнига киритиш мақсадида Тошкент давлат аграр университети ректори Сулаймонов Ботиржон Абдушукирович томонидан:

1. Манзарали дарахтлар ва буталар кўчатларини шакл бериб ўстириш тажрибаларини фаннинг ўқув дастурларига киритиш;

2. Талабаларнинг ўқув ва ишлаб чиқариш амалиётларини хусусий корхона базасида ўтказиш;

3. Манзарали дарахт ва бута турлари кўчатларини шакл бериб ўстириш тажрибаларини талабаларга ўргатиши учун корхона раҳбари Мухамеджанов Аминжон Хожи отани кафедрага ишга қабул қилиш тўғрисида қарор қабул қилинди.

Айтиш керакки, мазкур амалий ҳаракатлар университет ва Қишлоқ ва сув хўжалиги вазирлиги тизимидаги таълим муассасаларида таълим сифатини оширишда муҳим аҳамиятга эга.    

 

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5976 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6910 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21876 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50430 Жамият
Ироқ Курдистондаги референдумни тан олмайди 
08:37 27 Жаҳон
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 339 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 621 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 373 Жаҳон
Кобулнинг дипломатик туманида ракета портлади
07:55 518 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 392 Жаҳон
Кўпроқ янгиликлар