Тожикистон ИИВдан 20 нафар милиционер ортиқча вазн сабаб ишдан бўшатилди. Бу ҳақда республика ички ишлар вазири Рамазон Раҳимзода Ҳамро хабар берган.

«Жисмоний кўрсаткичлари куч тузилмаси талабларига тўғри келмайдиган ходимлар борлиги маълум бўлди. Биз уларни ишдан бўшатдик», - дея вазирнинг сўзларидан иқтибос келтирган Sputnik Тожикистон.

Бироқ, ҳуқуқни муҳофаза қилиш идораларининг бир неча ходими огоҳлантиришдан сўнг озишга муваффақ бўлган.

«Етти ходим тегишли жараёндан ўтказилгач, лавозимларга тайинланди. Улар ишлашда давом этмоқда», - дея таъкидлаб ўтган милиция генерали.

Тожикистон ИИВ раҳбарининг топшириғини бажариш устидан махсус комиссия назорат ўрнатди. Хусусан, республикада милиция ходимининг бўйи 170 сантиметр бўлгани ҳолда вазни 75 килограммдан ошмаслиги лозим.