Хитойнинг Юньнань вилоятида давом этаётган сурункали ёмғир ёғиши оқибатида келиб чиққан сув тошқинлари 10 кишининг умрига зомин бўлди. 1,2 минг киши шошилинч равишда хавфсиз жойларга кўчирилган, деб хабар қилмоқда РИА Новости. 

19 июлдан буён вилоятнинг 45 уездида ёмғир тўхтагани йўқ. Бунинг натижасида айрим жойларда сув тошқинлари ва кўчкилар содир бўлган. 

Табиий офат 223 мингга яқин инсон ташвишига сабаб бўлган. 200 та бино вайрон бўлиб, яна 2,4 минг иншоотга талофат етган.

Бевосита иқтисодий талофат 40 млн долларга яқин маблағни ташкил этгани айтилмоқда.