«Барселона» ҳужумчиси Неймар «ПСЖ»га ўтиши учун бир қатор шартлар қўйган.

Le Parisien хабарига кўра, у «ПСЖ»дан 4 нафар футболчи сотиб олишни, яна бир футболчисига кенг шароитлар тақдим этишни талаб қилган. Дахлсизлик ҳақидаги гап Лукас Моурага тегишли экани айтилган. У истаган янги футболчиларнинг бири сотиб олиб бўлинган: бу «Барселона» ва «Ювентус»нинг собиқ футболчиси Дани Алвесдир. Бундан ташқари, Неймар парижликлар таркибида «Ливерпуль» футболчиси Коутиньони кўришни истамоқда. Яна икки футболчи номи номаълум қолмоқда.

Бундан аввалроқ, каталонияликлар клуби футболчилари ва клуб раҳбарияти Неймарни «ПСЖ»га ўтишдан қайтариш учун ҳаракат қилаётгани айтилганди. ОАВ маълумотига кўра, Париж жамоаси футболчини 222 млн еврога харид қилиб, унга йилига 30 млн евро миқдоридаги маош тўлашни назарда тутувчи 6 йиллик шартнома таклиф этган.