АҚШ президенти Дональд Трамп душанба куни Obamacare тиббий суғурта тизимини танқид қилувчи нутқни сўзлади. Бироқ, ижтимоий тармоқлардаги фойдаланувчиларнинг бор эътибори унинг чиқишига эмас, балки Америка етакчисининг ортида турган ғалати қошли аёлга қаратилди.

Қошлар Трампга қарши

Twitter фойдаланувчилари аёлнинг ғалати шаклли қошларига аввалги президент Барак Обаманинг соғлиқни сақлаш тизимидаги ислоҳотлар салбий натижалар келтиргани билан изоҳ беришган.

“Қошларинг Obamacare ислоҳоти қурбонига айланганини тушунмоқдасан”, - дея ёзган Twitter’даги BadGuyZero тахаллуси остидаги фойдаланувчи.

Бошқа изоҳ берувчиларнинг ёзишича, ҳукумат Obamacare’ни эмас, балки америкалик аёлнинг қошларини “бекор қилиши ва алмаштириши” керак.

“Трамп шу аёлнинг қошларини бекор қилиши ва алмаштириши лозим”, - дея ёзган annapaul4317.

Баъзи блогерларнинг фикрича, аёл Трампнинг ортида бекорга турмаган.

“Трамп жонли эфир вақтида эътиборни ўзига жалб этувчи қопқон қўйди, сабаби биз у нима ҳақида гапираётганини эшитмаслигимизни истаган”, - дейди fatesummons.

Фойдаланувчилардан бирининг ҳазил қилишича, бундай ноодатий шаклга эга қошлар – Трампнинг нутқига табиий реакциядир.

“Ҳаттоки қошлар ҳам эшитаётган нарсаларига ишонаётгани йўқ”, - дея ёзди MightyZum.

Баъзи бирлар ташқи қиёфаси сабаб масхара қилинган аёлга ачинган.

“Бу аёлга жуда ачинмоқдаман. Матбуот анжумани тугайди, ҳамда у бутун Twitter ўзи ҳақида нима ёзаётганини билиб олади”, - дея ёзган CoolHandDan26 тахаллуси остидаги фойдаланувчи.