Молия вазири ўринбосари: Солиқ ставкаларини туширишга бизнес вакиллари ҳам тайёр бўлиши керак

Ўзбекистон 26 Июль 2017 8372

Халқаро Пресс-клубнинг 26 июлда бўлиб ўтган сессиясида кичик бизнес вакилларига ҳам солиқ ставкаларини пасайтириш масаласида ҳам фикр алмашилди. Бу хусусда Молия вазири ўринбосари Мубин Мирзаевнинг айтишича, бир вақтлар иш ўринлари ошиши ва конвертларда маош бериш ҳолларига барҳам бериш мақсадида кичик ва микрофирмалар учун солиқ ставкалари ҳам туширилган, бироқ у акс натижа берган.
 
“Кичик корхоналарнинг иш ҳақи фондидан 15 фоиз миқдорида пенсия жамғармасига саккиз фоиз миқдорида суғурта бадаллари тўланади. Сингапур мисолида биздаги ставкалар юқорилиги айтилди, бу борада бир нарсани тўғрисини айтишимиз керак, олдинги кичик корхоналар ва кичик фирмаларга қўлланган ижтимоий тўлов ставкаси 25 фоиз эди. Ўшанда берилган таклифга биноан солиқ ставкасини пасайтирайлик, иш ҳақи фонди ошади, шартномасиз ишлаётганлар расман ишлайди, деган таклиф берилган эди. Молия вазирлиги бу ташаббусни қўллаб-қувватлади. Лекин амалда нима бўлди? Масалан, охирги 3 йил таҳлил қилинадиган бўлса, 25 фоиздан 15 фоизга тушурганимиз ҳисобига давлат бюджети 400 млрд сўмга яқин пенсия жамғармаси йўқотди. Иш ўринлари деярли барпо этилмади”, - деди Молия вазири ўринбосари Мубин Мирзаев. 

Модератор Қудратхўжаев, демак, бизнес буни тўғри қабул қилмагани хусусидаги фикрига Мирзаевнинг жавоб беришича, тадбиркорлар бундан кўзланган мақсадни қабул қилмаган. Унинг алоҳида уқдиришича, солиқ ставкаларини енгиллаштириш, пасайтиришга бизнес вакиллари ҳам тайёр бўлиши керак. Яъни пенсия жамғармаси ва бюджетга тушумдаги йўқотишларни янги иш ўринлари яратиш билан тўлдириш зарур. Акс ҳолда, ҳукумат бошқа солиқларни кўпайтиришга мажбур бўлади. Чунки, ижтимоий тўловларни вақтида амалга ошириш керак бўлади. Аммо, амалда янги иш ўринлари сезиларли яратилмаган. 

Шерзодхон Қудратхўжаев бу мавзуни якунлар экан, давлат ва солиқ тўловчи ўртасидаги муносабатда икки томонлама ҳаракат самара беришини, бир томонлама ҳаракат нотўғри бўлишини таъкидлади. Унинг айтишича, бу каби нарсаларга айрим бизнес вакиллари ҳали тайёр эмас. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар