Непалга депортация қилинган германиялик ўқувчи қиз ортга қайтарилди

Жаҳон 26 Июль 2017 4428

15 ёшли қиз синфдошлари ва маҳаллий амалдорларнинг саъй-ҳаракатлари билан талабалар визасини олишга муваффақ бўлди.

Дуйсбург миграция хизмати гимназия ўқувчиси Бифси Ранага (Bivsi Rana) “айирбошлаш талабаси” визасини топширди. Қизни май ойида дарсдан олиб чиқиб, оиласи билан Непалга депортация қилишган эди. Ушбу қарор гимназия ўқувчилари ва амалдорлар, жумладан Дуйсбург мэри қизни қўллаб-қувватлагандан сўнг қайта кўриб чиқилди.

2017 йил 30 май куни Ранани директор хонасига чиқиртириб, депортация ҳақида унга хабар беришган. Унга дўстлари билан хайрлашишга рухсат бериб, ота-онасининг ёнига олиб бориб қўйишган ва Непалга жўнатишган. Қизнинг оиласи Непалдан 1998 йилда Германияга кўчиб келган эди. Ҳукумат депортация тўлиқ қонуний бўлганини, чунки Рана ва унинг оиласига икки маротаба қочоқ мақомини бериш рад этилганини маълум қилган. Бироқ миграция хизматининг қарори Дуйсбургда норозилик акцияларини келтириб чиқарган. 

Шимолий Рейн-Вестфалия федерал ери интеграция департаменти раҳбари Йоахим Штампнинг таъкидлашича, Рана Германияда туғилгани сабабли немис ҳисобланади. Штампнинг сўзларига кўра, бундай вазиятларда боланинг ҳуқуқлари биринчи ўринда туради.

Июнь ойида Дуйсбургда ўқувчи қизни қўллаб-қувватлаб бир қанча намойишлар бўлиб ўтди: минг нафар одам шаҳар кўчаларига “Бифсини уйга қайтариш” чақириғи билан чиқди. Ўқувчилар ва унинг ота-оналарини маҳаллий амалдорлар қўллаб-қувватлашди: Ранани ҳимоялаб Дуйсбург мэри Зёрен Линк (Sören Link) ҳам сўзга чиқди. У “қиз яна Германияда яшаши учун” барча ишни қилишга ваъда берди. 

Икки ойлик баҳслашувлардан сўнг Ранага берилган талабалик визаси унга мамлакатда ўқиши тугагандан кейин ҳам қолишга рухсат беради. Бу виза билан Рананинг ота-онаси ҳам Германияга келиши мумкин. Шу билан бирга Штамп ушбу қарор "индивидуал" эканлиги ва депортациянинг бошқа ҳолатлари учун қўлланмаслигини таъкидлаб ўтган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 16895 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22210 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11293 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12145 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40421 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52885 Жамият
Кун.uz офис изламоқда
15:48 / 06.08.2017 47727 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 409 Жаҳон
Қатар зиёратчиларнинг Саудияга парвозларини блокламоқда
15:35 768 Жаҳон
Кўпроқ янгиликлар