Таълим сифатини Вазирлар Маҳкамаси ҳузуридаги инспекция кузатиб боради

Жамият 26 Июль 2017 5734
Фото: ЎзА

Вазирлар Маҳкамасининг 2017 йил 18 июлдаги 515-сон “Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси фаолиятини ташкил этиш тўғрисида”ги қарори эълон қилинди. 

Norma.uz’нинг ёзишича, унинг асосий вазифаларига қуйидагилар киради:

•  таълим тизимида ўқув-тарбия жараёнлари, профессор-ўқитувчилар таркиби, кадрлар тайёрлаш ва уларнинг малакасини ошириш сифатини назорат қилиш, педагог кадрларга малака тоифаларини бериш бўйича давлат сиёсатини амалга ошириш;
•  идоравий мансублиги ва ташкилий-ҳуқуқий шаклидан қатъи назар, таълим муассасаларини аттестация ва давлат аккредитациясидан ўтказиш;
•  ўқувчилар, талабалар ва тингловчилар билимларининг Ўзбекистон Республикаси давлат таълим стандартлари, давлат талаблари ва малака талабларига мувофиқлигини таҳлил қилиш, таълим муассасалари рейтингини аниқлаш;
•  Вазирлар Маҳкамасининг Нодавлат таълим муассасалари фаолиятини лицензиялаш комиссиясининг ишчи органи сифатида нодавлат таълим муассасаларига лицензиялар бериш;
•  хорижий мамлакатларда берилган таълим тўғрисидаги ҳужжатларни тан олиш ва нострификациялаш (эквивалентлигини аниқлаш)ни ташкил этиш;
•  республика ҳудудида хорижий таълим муассасаларининг таълим фаолиятини юритиш ҳуқуқига рухсатномалар бериш учун тақдим этилган ҳужжатларни экспертизадан ўтказиш;
•  таълим ва илмий-тадқиқот муассасалари томонидан бериладиган расмий ҳужжатларга апостиль қўйиш.

Давлат инспекциясига бошлиқ бошчилик қилади, у ўринбосарга эга. Улар Вазирлар Маҳкамаси томонидан лавозимга тайинланадиган ва лавозимдан озод қилинади. Бошлиқ мақомига кўра вазирга, бошлиқ ўринбосари эса вазир ўринбосарига тенглаштирилади.

Бошқарув ходимларининг чекланган сони 108 нафарни ташкил қилади. Давлат инспекцияси ходимларига Олий ва ўрта махсус таълим вазирлигининг тегишли лавозимлари учун белгиланган меҳнатга ҳақ тўлаш ва моддий рағбатлантириш шартлари қўлланилади.

Давлат инспекцияси Тошкент шаҳар, Чилонзор тумани, Нурхон кўчаси, 21-уй манзилида жойлашган.

Ҳар бир олий таълим муассасасида  - Назорат бўлими

Республиканинг барча олий таълим муассасалари тузилмасида ўз штатлари доирасида таълим сифатини назорат қилиш бўлимлари ташкил этилади. Бўлимда 3 нафар  ходим бўлади: бошлиқ (ойлик иш ҳақи декан лавозимига тенглаштирилган) ва 2 нафар бош мутахассис. Улар Давлат инспекцияси бошлиғи томонидан лавозимга тайинланади ва лавозимдан озод этилади.
 
Бўлимлар талабалар билимларининг давлат таълим стандартларига мувофиқлигини ўрганиш, кадрлар тайёрлаш сифати мониторингини юритиш ҳамда олий таълим муассасасини ички аттестациядан ўтказишни ташкил этиш ва ички аттестация натижаларини, таълим сифатига таъсир этган омиллар тўғрисидаги маълумотларни олий таълим муассасаси ректорига ҳамда Давлат инспекциясига тақдим этиш билан шуғулланади.

Янги йиғимлар жорий қилинади

Жорий йилнинг 1 октябридан:

•  умумий ўрта, ўрта махсус ва касб-ҳунар таълим муассасаларида биринчи ва олий малака тоифали, етакчи ва бош ўқитувчи лавозимидаги ҳамда мазкур малака тоифалари ва лавозимларга талабгор педагог кадрларга малака тоифасини беришда  - ЭКИҲнинг 1 баробари миқдорида;
•  нодавлат таълим муассасаларини аттестациядан ўтказганлик учун - ЭКИҲнинг 10 баробари миқдорида йиғим жорий этилади.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар