2016 yildagi jahondagi har to‘rtinchi bank DDoS-hujumlar oqibatlari bilan to‘qnash keldi. Bu haqda «Kasperskiy laboratoriyasi» matbuot-relizida aytiladi.
Ekspertlarning xabar berishicha, ko‘proq moliyaviy muassasalar banklari bunday turdagi kiberhujumlarga uchraydi. Tadqiqot ma'lumotiga ko‘ra, bank sektoriga uyushtirilgan DDoS-hujumdan o‘rtacha zarar miqdori 1 mln. dollardan oshgan. Odatda, jinoyatchilar banklar saytiga hujum qiladi – ular barcha holatlarning 49 foizida hujumga uchragan.
«Bank sektorida obro‘ juda muhim, hamda u xavfsizlik bilan uzviy bog‘liq. Agarda banklarning onlayn-servislariga kirish imkoni cheklansa, bu mijozlar ishonchini tahdid ostiga soladi. Internet-banking bilan bog‘liq bo‘lgan kiberhodisalardan samarali himoya uchun kompaniyalar ularga tayyor turishi kerak. Xususan, DDoS-hujumlarni tezlik bilan aniqlashi va bartaraf etishi mumkin bo‘lgan qarorlarga katta e'tibor berish kerak», - deya ta'kidlab o‘tdi «Kasperskiy laboratoriyasi»ning Kaspersky DDoS Protection yo‘nalishi rahbari Aleksey Kiselev.
Avvalroq «Kasperskiy laboratoriyasi» bepul antivirusni ishga tushirishini ma'lum qilgani xabar berilgandi.
