Халқаро Пресс-клубда бўлиб ўтган Ўзбекистонда солиқ ислоҳотига доир сессияда республикадаги жисмоний шахсларга солинадиган даромад солиқлари миқдори ҳам муҳокама қилинди. Кун.uz мухбирининг Сингапур давлати мисолида даромад солиқлари ҳақида маълумот бериб, Ўзбекистонда қачон қисқартирилиши борасида берган саволига Молия вазири ўринбосари Мубин Мирзаев жавоб берди.

“Ўзбекистонда бугунги кунда жисмоний шахсларга солинадиган даромад солиғи бўйича 4 та шкала мавжуд. Бунда биринчи шкала бўйича бир минимал иш ҳақи (энг кам ойлик иш ҳақи - 149,750 сўм)гача бўлган даромадга 0 ставкада даромад солиғи ўрнатилган, яъни умуман даромад солиғи тўланмайди. 1 минималдан ( энг кам ойлик миқдори назарда тутилмоқда) 5 минималгача бўлган шкала бўйича (149, 750 сўмдан 748, 750 сўмгача) 7,5 фоиз даромад солиғи тўланади, бундан 6,5 фоизи давлат бюджетига, 1 фоизи жамғариб бориладиган пенсия ҳисоб рақамига тушади. 

Учинчи шкала бу беш минималдан 10 минималгача бўлган даромадларга (748,751- 1 млн 497,500 сўм) 16 фоиз даромад солиғи солинади. Ва 10 минималдан юқори даромадларларга 23 фоиз солиқ солинади. Бундан 22 фоизи давлат бюджетига тушади. 1 фоизи жамғариб бориладиган пенсия жамғармасига ўтказилади”, - деди Молия вазири ўринбосари.

Шу ўринда, Кун.uz мухбири маълумот сифатида тақдим этган Сингапур республикасидаги даромад солиқлари борасидаги ҳамда Ўзбекистондаги даромад солиқларига доир жадвални тақдим этсак. Қиёслаш эса, ўқувчига ҳавола. 

Сингапурда жисмоний шахслар даромадига солинадиган солиқ ставкалари:

Ўзбекистондаги жисмоний шахслар даромадларига солинадиган солиқлар: