27 июлда Миср жиноий суди 2013 йилда "Мусулмон биродарлар" тарафдорлари намойишини тарқатиш вақтида Ал-Миня вилоятидаги полиция бўлимига ҳужум қилганлик учун 58 судланувчини умрбод қамоқ жазосига маҳкум қилди.

Яна 5 киши 15 йиллик, 7 судланувчи эса 7 йилдан 10 йилгача қамоқ жазосига тортилди.

Барча судланувчилар Мисрда тақиқланган "Мусулмон биродарлар" гуруҳи фаолиятига алоқадорлик, тартибсизликларда иштирок этиш, полиция ва тинч аҳолига ҳужум қилишда айбланганлар. Суд чиқарган ҳукм устидан шикоят қилиш мумкин.