Алмазбек Атамбоев йиллик матбуот анжуманида Ўзбекистон ҳақида нималар деди?

Жаҳон 27 Июль 2017 71169

Қирғизистон президенти Алмазбек Атамбоев анъанавий ёзги матбуот анжуманида бу йил ҳам қатнашиб, журналистлар саволларига жавоб берди. 3 соат давом этган матбуот анжуманида Қирғиз Республикаси президенти Ўзбекистон билан боғлиқ қизиқ воқеани тилга олган.

«Демократлар ҳокимият тепасида бўлган чоғда АҚШ Давлат департаменти томонидан юргизилган сиёсатга ҳеч бир кўнглим исимаган. Уларнинг ҳарбий базасини чиқариб юборганимизда менга баъзи давлатлар Америка базалари ракета нишони остида эканлигини агар улар учирилса бизнинг одамларимиз жабр тортишини айтиб ўтишган эди. Ўзингиз биласиз, уларнинг Эрон билан ўзаро муаммолари бор эди.

2014 йилда марҳум Ислом Абдуғаниевич минтақада сув туфайли урушлар ҳам келиб чиқиши мумкинлигини гапиргани ёдингиздадир? Ўша йилнинг охирига келиб Ўзбекистонга АҚШ томонидан ҳар бирининг қиймати икки миллион долларга яқин бўлган 328 та зирҳланган машиналар топширилди. Мана демократиянинг қадри, демократларнинг лафзи қандай бўлишини билиб қўйинглар. Ўшанда мен уларга: «Агар сизлар демократия тарафдори экансизлар, нега у машиналарни бизга бермадингиз?» дея савол билан мурожаат қилган эдим», — деган Қирғизистон президенти Алмазбек Атамбоев матбуот анжуманида.

Атамбоев Хитой – Қирғизистон – Ўзбекистон темир йўли лойиҳаси борасида ҳам ўз фикрларини билдириб ўтган. Унинг сўзларига кўра, дастлабки лойиҳага кўра Хитой – Қирғизистон – Ўзбекистон темир йўли тўғри Торугартдан Жалолободгача ўтиши керак бўлган.

«Бу бизнинг лойиҳа эмас. У ерда бирорта бекат кўзда тутилмаган. Бу бизга керак эмас. ХХР раиси Си Жинпинг билан сўнгги учрашувимизда тубдан бурилиш ҳақида гаплашдик. Бизга фақат йўл қурилиши кераклиги учун йўл керак эмас, майли у қимматроқ бўлсин, лекин кейинчалик у бизники бўлиб қолиши керак. Биринчи келишув Асқар Акаев вақтида имзоланган — иқтисодиётга физикнинг кўзлари билан қаралган, ҳолбуки иқтисодчининг назари билан боқиш керак бўлганида», — деган Атамбоев.

Эслатиб ўтамиз, дастлабки лойиҳага кўра Ўзбекистондан Хитойга борувчи темир йўл Қирғизистоннинг жанубий ҳудудлари орқали чамаси 200 км масофадаги чегараларни боғлаши керак бўлган. Лекин Қирғизистон ушбу темир йўлнинг мамлакат пойтахти Бишкек орқали ўтишини, лойиҳа деярли 500 км масофагача узайтирилиши талаб қилиб келади.

Матбуот анжумани давомида Қирғиз Республикаси президенти шу куни 60 ёшини нишонлаётган Ўзбекистон Республикаси президенти Шавкат Мирзиёевга оммавий ахборот воситалари орқали табрик йўллаган.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71662 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37279 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21592 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81365 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61958 Жамият
Forbes: Бой бўлишдан уялмаган Малкольм Форбс
01:13 1185 Lifestyle
Зидан ҳеч қандай музокараларсиз «Реал» билан шартномани узайтиради
00:53 835 Спорт
Бразилияда бортида 70 киши бўлган паром чўкиб кетди
00:20 769 Жаҳон
Германиядаги йўл-транспорт ҳодисасида 44 руминиялик жабрланди
00:17 348 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 661 Маданият
Кўпроқ янгиликлар