Andijonda Islom Karimov xotirasiga ehson oshlari berildi

27 iyul kuni Andijon viloyatining barcha shahar va tumanlarida O‘zbekiston Respublikasi Birinchi Prezidenti Islom Karimov xotirasiga ehson oshi berildi.

Joylarda o‘tkazilgan tadbirlarga keng jamoatchilik vakillari, nuroniylar taklif etildi. Jumladan Andijon shahridagi “Toshkent premium” tantanalar saroyi hamda Oltinko‘l tumanidagi “Qumbozor” choyxonasida o‘tkazilgan tadbirlarda ehson dasturxoniga osh tortilishidan oldin qur'on tilovat qilindi. Islom Karimovning mustaqil davlat qurish va uning taraqqiyoti yo‘lida amalga oshirgan ezgu ishlari yodga olindi.