Буюк Британия ташқи ишлар вазири Борис Жонсоннинг маълум қилишича, қироллик Евроиттифоқдан чиққанидан сўнг Осиё-Тинч океани минтақасида анча фаол сиёсат олиб боришни режалаштирмоқда. Бу ҳақда AFP хабар берган.

«Минтақага ташрифимнинг асосий мақсадларидан бири – эндиликда биз Осиё-Тинч океани минтақаси ва Австралияга кўпроқ эътибор қаратиш ниятида эканлигимизни билдиришдир», - деган у Австралия газетасига.

Ташқи сиёсат идораси раҳбарининг қайд этишича, Буюк Британия минтақада ўз қуролли кучларини жойлаштириши ҳам мумкин.