ИИВ қурол билан боғлиқ вазиятга ойдинлик киритди

Жаҳон 27 Июль 2017 63455

Ўзбекистон Республикасининг “Қурол тўғрисида”ги Қонунини кенг муҳокама қилиш доирасида Ягона интерактив давлат хизматлари порталига қатор таклиф ва мурожаатлар келиб тушди. Шу сабабдан Ички ишлар вазирлиги матбуот хизмати вазиятга ойдинлик киритди.

Қонун лойиҳасининг мақсади фуқаролик, хизмат ва жанговар қурол ҳамда уларга ўқ-дориларнинг республика ҳудудида айланмаси соҳасида ҳуқуқий муносабатларни тартибга солиш саналади, шу сабабдан унинг асосий қоидалари қуйидагиларга йўналтирилган:

– қуролни харид қилиш, тақиб юриш ва ишлатишга ҳуқуқи бўлган давлат органлари, юридик ҳамда жисмоний шахслар тоифаларини аниқлаш;

– турли давлат идоралари ҳамда ташкилотларнинг қуролнинг маълум бир турларига эгалик қилиш ва улардан фойдаланишга нисбатан ваколатларини аниқ чегаралаш, хусусан, ҳарбий тузилмалар, ҳуқуқни муҳофаза қилиш органлари ва бошқа куч тузилмалари, шунингдек, юридик шахслар томонидан уларга фуқароларнинг ҳаёти ҳамда соғлиғи, мол-мулки, табиат ва табиий ресурсларни муҳофаза қилиш, қимматбаҳо ҳамда хавфли юклар, махсус ёзишмаларни ҳимоя қилиш бўйича қўйилган вазифаларни бажариш чоғида;

– республикада жамоатчиликка катта хавф уйғотиши мумкин бўлган қурол ҳамда ўқ-дори турларининг айланмасига чеклов ўрнатиш (травматик, пластик қурол, катта қувватга эга пневматик ва газ қуроли, радиофаол нурланиш, биологик омиллардан фойдаланилган қуроллар ва ҳ.к);

– қурол айланмаси соҳасида фаолият олиб боришнинг лицензион-рухсат берувчи тартибини ўрнатиш, шунингдек, бу соҳада тегишли давлат идораларининг ваколатлари;

– ишлаб чиқарилувчи ҳамда олиб кирилувчи қурол ва ўқ-дориларни мажбурий сертификациядан ўтказишни ташкил этиш, қурол ҳамда ўқ-дориларни олиб қўйиш учун аниқ асосларни аниқлаш;

– қурол ва ўқ-дориларнинг экспорт-импорти, олиб кирилиши-олиб чиқилиши, шунингдек, дипломатик ваколатхоналар ёки республика ҳудудида халқаро шартномалар асосида вақтинчалик жойлашган хорижий делегациялар хавфсизлигини таъминлаш мақсадида қўлланилувчи қурол айланмаси тартибини тасдиқлаш.

Шу билан бирга, таъкидлаб ўтиш лозим, қонун лойиҳаси билан фуқаролар томонидан ўқотар қуролга фақатгина ов ва спорт (ов жамиятлари ва спорт клубларининг ўрнатилган тартибда рўйхатдан ўтган аъзолари) билан шуғулланиш учун эгалик қилиш ҳамда фойдаланиш назарда тутилган. Шунга кўра, жисмоний шахслар томонидан жамоатчиликка катта хавф туғдирадиган ўқотар қурол ва бошқа қурол турларини ўзини ўзи мудофаа қилиш мақсадида харид қилишга йўл қўйилмайди.

Хусусан, фуқаролар томонидан ўзини ўзи мудофаа қилиш мақсадида фойдаланишга рухсат этиладиганлар турига фақатгина газ баллончалари, механик пуркагичлар, аэрозолли ва кўздан ёш сиздирувчи ҳамда қичитувчи моддаларга эга бошқа қурилмалар, шунингдек, Ўзбекистон Республикаси Соғлиқни сақлаш вазирлиги томонидан қўллашга рухсат этилган электрошокли ва учқунли разрядниклар киритилган.

Шу билан бирга, кўрсатилган ўзини ўзи мудофаа қилиш воситаларини харид қилиш фуқароларга ички ишлар идоралари томонидан зарур текширув тадбирлари натижаларига кўра берилувчи рухсатномалар асосида амалга оширилиши мумкин.

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27480 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14502 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55659 Жамият
«Барселона» энди Ди Марияни сотиб олишга ҳаракат қилади
23:50 / 22.08.2017 4 Спорт
Порошенко Донбассга тинчликпарвар кучлар киритилишини таклиф қилмоқчи
23:48 / 22.08.2017 18 Жаҳон
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 / 22.08.2017 80 Жаҳон
Миробод бозорида пулларни нақдловчи банкомат ишга тушди
23:18 / 22.08.2017 1057 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 / 22.08.2017 810 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 / 22.08.2017 619 Жаҳон
Маошни оширишни қачон сўраган маъқул?
22:47 / 22.08.2017 2070 Lifestyle
Кўпроқ янгиликлар