Ўтган 6 ойда Тошкент вилоятида 97 мансабдорга нисбатан 70 та жиноий иш қўзғатилди

Жамият 27 Июль 2017 10307

Тошкент вилояти ИИБда бўлиб ўтган матбуот брифингида Тошкент вилояти Прокуратураси расмий вакили ҳам иштирок этди. Тошкент вилояти Прокуратураси прокуратура органлари тергов тармоқлари фаолияти устидан назорат бўлими бошлиғи Собиржон Темиров прокуратура органлари томонидан вилоят кесимида мансабини суиистеъмол қилиш ҳолларига доир ишлар қайтарзда олиб борилаётгани юзасидан маълумотларни тақдим этди. 

Тошкент вилояти Прокуратура органлари томонидан жорий йилнинг ўтган олти ойи мобайнида 97 нафар мансабдор шахсларга нисбатан очилган 70 та жиноят иши бўйича дастлабки тергов ҳаракатлари олиб борилди. Шундан 93 нафар мансабдор шахсга нисбатан очилган 65 та жиноят иши айблов хулосалари билан судларга юборилган. 

Собиржон Темиров мансабдор шахсларнинг жиноий иш турларига ҳам ойдинлик киритди. Унга кўра, мансабдор шахсларнинг 10 нафари ҳокимият ёки мансаб ваколатини суиистеъмол қилиш, 2 нафари ҳокимият ёки мансаб ваколатидан четга чиқиш, 2 нафари мансабга совуққонлик билан қараш, 7 нафари мансаб сохтакорлиги, 12 нафари пора олиш-бериш ёки унда воситачилик қилиш, 37 нафари ўзлаштириш ёки растрата йўли билан талон-торож қилиш ва 23 нафарига Жиноят Кодексининг бошқа моддаларида назарда тутилган жиноятларни содир этганлиги учун жавобгарликка тортилган. 

Жорий йилнинг ўтган 6 ойи мобайнида мансабдор шахслар томонидан етказилган зарар миқдори 1,5 млрд сўмдан ортиқни ташкил этиб, дастлабки тергов жараёнида 1,2 млрд сўмни ундириш таъминланди. 

Жиноят содир этган мансабдорларнинг 2 нафари республика, 10 нафари вилоят ва 85 киши туман-шаҳар миқёсидаги тармоқ раҳбар ходимларини ташкил этади. 

Ҳисобот даври мобайнида мансабдор шахсларнинг тоифалари таҳлил қилинганда қуйидаги корхона-ташкилотлар раҳбарларига нисбатан жиноят ишлари қўзғатилиб, жавобгарликка тортилгани аниқланди. 

Жумладан ҳокимият ва бошқа давлат бошқаруви органлари мансабдор шахсларининг 8 нафари, судьялар 1 нафар, адлия органининг 1 нафар, суд-ижро департаменти 1 нафар, ички ишлар идоралари ходимларининг 21 нафар, давлат солиқ инспекциясининг 4 нафар, банк ходимларининг 8 нафар, бошқа корхона, муассаса ва ташкилотлар мансабдор шахсларининг 53 нафарига нисбатан жиноий иш қўзғатилиб, дастлабки тергов ҳаракатлари ўтказилган. 

Масалан, Қибрай тумани Салар шаҳар ИИБ паспорт бўлимининг собиқ бошлиғи бир гуруҳ шахслар билан жиноий тил бириктириб, моддий манфаатдорлик эвазига ҳужжатларни йўқ қилиш ва расмий ҳужжатларни қалбакилаштириш орқали жами 73 нафар фуқароларни Қибрай туманининг турли ҳудудларига ноқонуний равишда доимий рўйхатга қўйган. 

Ушбу ҳолат юзасидан Тошкент вилояти прокуратураси томонидан дастлабки тергов ҳаракатлари олиб борилиб, паспорт бўлими бошлиғи ва бошқа 25 нафар шахс ЖКнинг 205-моддаси 5-қисми “б” банди, 209-моддаси 2-қисми “а”, “б” бандлари ва бошқа моддалар билан айбланишган. Жиноят иши уларга нисбатан қамоққа олиш эҳтиёт чораси қўлланилган ҳолда, айблов хулосаси билан судга юборилган. 

Тошкент вилоят судининг 2017 йил 27 январдаги ҳукми билан судланувларга нисбатан озодликдан маҳрум этиш жазолари қўлланилган. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 32800 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18384 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 70955 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58902 Жамият
Жосусликда айбланиб қамалган Эркин Мусаев озодликка чиқарилди
Хитой жанубига кучли тўфон ёпирилди
13:47 2118 Жаҳон
Уйни воситачисиз сотиш усуллари – маълумотномалар
13:41 1607 Жамият
«Барселона» Коутиньо учун навбатдаги таклифни жўнатди
13:40 2368 Спорт
Фото: Миробод туманида иссиқ сув қувури ёрилиши пона қоқиш билан «ҳал қилинди»
Тошкент ва Душанбе ўртасидаги парвозлар жадвали ўзгарди
Кўпроқ янгиликлар